Hitleran Juda mi 60,00,000 suat khawpa German mite a fuihpawrh theih kha a lehkhabu Mein Kampf vang kha a ni ve bawk asin. French Revolution lo chhuah chhan ber pakhat pawh kha an mifing Rousseau, Voltaire-a te lehkha ziak vang a ni a tih loh theih loh. Russia ram Communist sorkar dintu hruaitu hmasa Lenina chuan,”Communist member tupawhin Pathian awm loh zia sawina lehkha hi nasa takin a theh darh tur a ni,” a ti hmiah mai. Tun thleng hian China chu communist ram a la ni reng. China ramah Communist ho an hel lai chuan lehkha an theh darh nasa khawp mai. Communist Pathian ring lo ho hi lehkha ziak thil tih theihzia hre chiang ber an ni, an ti thin. Sap thufing bawkin, “The Pen is mightier than the Sword,” a lo ti. ‘Suan lung’ a tih chu khawlha an siamna thir kha a ni a, sipai 26 a tih chu Saptawng hawrawp 26 te hi an ni. pass tawh zirlai pangngai science hriatna hi a tam zawk fe an tih chu!Ĭhumi hria chuan alawm sap mifing Benjamin Franklina chuan, “Suan lung sipai 26 te hi min pe ula, khawvel ka hneh ang,” a lo tih. Chuvang chuan alawm a hun laia Scientist ropui ber ‘Gravitational Force’ hmu chhuaktu Isaac Newtona ai khan tunlaia B.Sc. Mut mu pawh tuah thei lova an zawn ngat ngat, sum leh pai tam tak senga an hmuh chhuah tak chauh te hi vawiinah awlsam takin kan lo hre thei ta mai a ni. Tuarna leh harsatna kara Pathianin a pawlna thu te hi kan hlawkpui atan tuar ve miah lote hian kan lo chhiar thin a. Lehkhabu kan en liam mai mai te hi a ziaktuin a damchhunga a thil zir chhuah pawimawh ber ber a dah khawmna a ni thin. A sawi tum fiah thei ang ber leh ngaihnawm thei ang bera ziakin thi leh thau pawlhin a ziaktu chuan a lo buatsaih thin. Thumal leh tawngkam tin reng chu fel taka rem a ngai a.
Lehkhabua ziak a nih tawh ngat phei chuan duh ang anga her danglam a rem tawh lo. Mifing finna chu tawngka ri chhuaka tham ral mai lovin hawrawp leh lehkhaa man beh a lo ni ta a nih chu. Kum za tam tak chhunga finna tling khawm avanga hringfate hian vawiin hi thleng thei kan ni. Khawvelah hian lehkhabu awm lo se vawiina kan nun tinuamtu changkanna kan tih zawng zawng hi a awm lovang.
0 kommentar(er)
